АДВЕНТ-КАЛЯНДАР – скрынка з вакенцамі, за якімі

“хаваюцца” цукеркі. Ідэя адвент-календара прыйшла

да нас з Германіі, дзе адвентам называецца час перад

Раством Хрыстовым (Звязда. 09.12.2017).

АЙЦІШНІК (разм.) (ад англ. IT–informatics technology)

– чалавек, які добра разумее і арыентуецца ў новых

камп’ютарных тэхналогіях. Айчынныя айцішнікі

даволі паспяхова займаюцца распрацоўкай

забаўляльных праграм, а славутая World of Tanks

штогод ставіць усё новыя і новыя сусветныя рэкорды

па колькасці гульцоў анлайн (Звязда. 17.12.2017).

БІБЛІАКЭШЫНГ (ад англ. cache – тайнік, і грэч. бібліо

– кніга) – гульня, пошукі кніжных скарбаў, якія

захоўваюцца ў бібліятэцы. Сёння ББА трымае курс на

два асноўныя кірункі. Першы — павышэнне

кваліфікацыі бібліятэкараў як бы па-за межамі

афіцыйнай сістэмы павышэння кваліфікацыі кадраў.

Гэта правядзенне разнастайных семінараў,

трэнінгаў, майстар-класаў і г.д. А другі кірунак —

асваенне новых форм кантактаў з грамадскасцю. У

якасці прыкладу такіх новых форм Алена

Даўгаполава назвала правядзенне бібліакэшынгаў

(Настаўніцкая газета.17.09.2017).

БІТКОІН ( ад англ. bit – біт- адзінка вымярэння

інфармацыі, coin – манета) электронная валюта,

якая ў адрозненне ад іншых валют, не належыць

ніякай краіне і не залежыць ад ніякага цэнтру, які б

займаўся яе вытворчасцю. Ці ведаюць беларусы як

зарабіць на біткоіне?( Звязда.23.01.2018)

БЛОКЧЭЙН ( ад англ. BlockChain, дзе block – блок, а

chain – ланцужок) - тэхналогія захавання дадзеных,

якія змяшчаюць нейкую інфармацыю. Уся сістэма

біткоін працуе па тэхналогіі блокчэйн. ?( Звязда

23.01.2018)